2 Դեկտեմբերի 2015, 1153 - Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի՝
1. Հայաստանի Հանրապետության հանրակրթական դպրոցներում և մանկապատանեկան մարզադպրոցներում մարզադահլիճների վիճակն ու մարզագույքի պահանջարկն ուսումնասիրելու նպատակով ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:
2. Միջգերատեսչական հանձնաժողովի նախագահին՝ սույն որոշումն ուժի մեջ մտնելու օրվանից՝
1) մեկամսյա ժամկետում հաստատել միջգերատեսչական հանձնաժողովի աշխատակարգը.
2) վեցամսյա ժամկետում Հայաստանի Հանրապետության վարչապետին ներկայացնել կատարված աշխատանքների արդյունքների մասին հաշվետվություն։
