30 Հուլիսի 2020, 457 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2020 ԹՎԱԿԱՆԻ ՀՈՒՆԻՍԻ 29-Ի N 366-Ա ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻՆ ՀԱՐԱԿԻՑ ԳՈՐԾԱՐՔՆԵՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 3-րդ կետը՝
1. Սահմանել, որ Բնության համաշխարհային հիմնադրամի հայաստանյան մասնաճյուղի (WWF-Հայաստան) (ՀՎՀՀ` 00861992) կողմից կնքված` ստորև նշված պայմանագրերով նախատեսված գործարքներն անմիջականորեն կապված են Հայաստանի Հանրապետության փոխվարչապետի 2020 թվականի հունիսի 29-ի «Բնության համաշխարհային հիմնադրամի հայաստանյան մասնաճյուղի (WWF-Հայաստան) կողմից իրականացվող «Հայաստանի Հանրապետության գիտությունների ազգային ակադեմիայի Ա. Թախտաջյանի անվան բուսաբանության ինստիտուտի Հայաստանի կենսաբազմազանության տեղեկատվական և կրթական կենտրոնի վերակառուցման ու արդիականացման աշխատանքներ» ծրագրի մասին» N 366-Ա որոշմամբ հաստատված ծրագրի իրականացման հետ և դրա համար ունեն զգալի նշանակություն`
1) «Թերմոկոն» ՍՊԸ-ի հետ (ՀՎՀՀ` 01255864) 2020 թվականի հունիսի 3-ին կնքված՝ N 12/20-GE0056DF պայմանագրում նշված գործարքը, որով նախատեսվում են ջեռուցման, օդափոխության և օդորակման համակարգի տեղադրման աշխատանքներ` 8,865,526 դրամի չափով` առանց ավելացված արժեքի հարկի.
2) «Մեգապոլիս Քոնսթրաքշն» ՍՊԸ-ի հետ (ՀՎՀՀ` 01254115) 2020 թվականի հունիսի 1-ին կնքված` N TJSBMZ/2020/01 պայմանագրում նշված գործարքը, որով նախատեսվում են կենտրոնի վերանորոգման, արդիականացման և բարեկարգման աշխատանքներ` 51,974,424 դրամի չափով` առանց ավելացված արժեքի հարկի:
