Փոխվարչապետերի որոշումներ

11 Հունիսի 2019, 378 - Ա

«ՀՈՎԱՐԴ ԿԱՐԱԳՅՈԶՅԱՆ» ԲԺՇԿԱԿԱՆ, ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ՀԱՍՑԵՈՎ ՍՏԱՑՎԱԾ ԲԵՌԻ ՆԵՐՄՈՒԾՄԱՆ ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Հովարդ Կարագյոզյան» հիշատակի ընկերակցության կողմից «Հայաստան-Արցախ» հիմնադրամի միջոցով «Հովարդ Կարագյոզյան» բժշկական, բարեգործական հասարակական կազմակերպության հասցեով ստացված բեռի (ատամի մածուկներ և խոզանակներ ու ատամնաբույժի բուժքրոջ աթոռ (2 հատ), 8 տեղ, 2,229 կգ ընդհանուր քաշով, 77,168 ԱՄՆ-ի դոլարին համարժեք դրամ արժողությամբ, փոխադրման ծախսերը կազմել են 5,400 ԱՄՆ-ի դոլար, «Արարատյան» մաքսատուն-վարչություն) ներմուծման ծրագիրը: Ներմուծվող ատամի մածուկները և խոզանակները նախատեսվում են անհատույց բաշխել կազմակերպության շահառուներին, իսկ ատամնաբույժի բուժքրոջ աթոռները ծառայելու են կազմակերպության բարեգործական գործունեությունն իրականացնելու համար:
2. «Հովարդ Կարագյոզյան» բժշկական, բարեգործական հասարակական կազմակերպությանը` նշված բեռի բաշխումն ավարտելուց հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ:
 

Արխիվ

2019

2018