7 Մայիսի 2015, 469 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԳՆՄԱՆ ՊԱՅՄԱՆԱԳՐԵՐՈՒՄ ՓՈՓՈԽՈՒԹՅՈՒՆՆԵՐԻ ԿԱՏԱՐՄԱՆ ԹՈՒՅԼ ՏՎՈՒԹՅՈՒՆ ՏԱԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշմամբ հաստատված՝ գնումների գործընթացի կազմակերպման կարգի 3-րդ ու 61-րդ կետերով՝ Հայաստանի Հանրապետության կառավարությունը ո ր ո շ ո ւ մ է.
1. Թույլատրել Հայաստանի Հանրապետության քննչական կոմիտեին «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետի հիման վրա «Ագաթ 777» սահմանափակ պատասխանատվությամբ ընկերության հետ 2014 թվականի սեպտեմբերի 30-ին կնքված N ԲԸԱՀԱՇՁԲ-14/1 և 2014 թվականի դեկտեմբերի 17-ին կնքված N ՀՀՔԿԴ-ԲԸԱՀ-ԱՊՁԲ-14/6 ծածկագրերով պայմանագրերում կատարել հետևյալ փոփոխությունները`
1) պայմանագրերում նախատեսված աշխատանքների կատարման վերջնաժամկետները երկարաձգել մինչև 2015 թվականի օգոստոսի 15-ը ներառյալ.
2) պայմանագրերում սահմանել դրույթներ, որ «Ագաթ 777» սահմանափակ պատասխանատվությամբ ընկերության հետ 2014 թվականի սեպտեմբերի 30-ին կնքված N ԲԸԱՀԱՇՁԲ-14/1 ծածկագրով պայմանագրի դրույթները տարածվում են նաև 2015 թվականի մարտի 31-ից, իսկ 2014 թվականի դեկտեմբերի 17-ին կնքված N ՀՀՔԿԴ-ԲԸԱՀ-ԱՊՁԲ-14/6 ծածկագրով պայմանագրի դրույթները՝ 2015 թվականի ապրիլի 17-ից հետո ծագած հարաբերությունների վրա:
