18 Օգոստոսի 2016, 839 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՄԱՅԻՍԻ 15-Ի N 654-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ Մ Ա Ս Ի Ն
Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության էներգետիկայի և բնական պաշարների նախարարության աշխատակազմի՝
1) ընդերքի վարչությունը վերակազմավորման ձևով վերակազմակերպել ընդերքի բաժնի.
2) իրավաբանական բաժինը վերակազմավորման ձևով վերակազմակերպել իրավաբանական վարչության.
3) վերականգնվող էներգետիկայի և էներգախնայողության վարչությունը և ատոմային էներգետիկայի բաժինը միաձուլման ձևով վերակազմակերպել էներգետիկայի և էներգախնայողության վարչության:
2. Հայաստանի Հանրապետության կառավարության 2008 թվականի մայիսի 15-ի «Հայաստանի Հանրապետության էներգետիկայի նախարարության աշխատակազմ» պետական կառավարչական հիմնարկը «Հայաստանի Հանրապետության էներգետիկայի և բնական պաշարների նախարարության աշխատակազմ» պետական կառավարչական հիմնարկ վերանվանելու, Հայաստանի Հանրապետության էներգետիկայի և բնական պաշարների նախարարության կանոնադրությունը և աշխատակազմի կառուցվածքը հաստատելու մասին» N 654-Ն որոշման N 2 հավելվածի «I. Կառուցվածքային ստորաբաժանումներ» բաժնում կատարել հետևյալ փոփոխությունները`
1) ուժը կորցրած ճանաչել 4-րդ կետը.
2) 5-րդ կետից հանել «Վերականգնվող» բառը.
3) 6-րդ կետում «վարչություն» բառը փոխարինել «բաժին» բառով.
4) 8-րդ կետում «բաժին» բառը փոխարինել «վարչություն» բառով:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
