Կառավարության որոշումներ

29 Օգոստոսի 2019, 1158 - Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՀՈԿՏԵՄԲԵՐԻ 22-ի N 1281-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ


Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին և 3-րդ մասերը՝ Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2009 թվականի հոկտեմբերի 22-ի «Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին» կոնվենցիայով կարգավորման ենթակա վայրի կենդանիները և բույսերը, դրանց մասերն ու ածանցյալները Հայաստանի Հանրապետության տարածքից արտահանելու և Հայաստանի Հանրապետության տարածք ներմուծելու թույլտվությունների (հավաստագրերի) տրամադրման կարգը և թույլտվության (հավաստագրի) ու հայտի ձևերը հաստատելու մասին» N 1281-Ն որոշման մեջ կատարել հետևյալ փոփոխությունները և լրացումները`
1) որոշման ամբողջ տեքստում «բնապահպանության» բառը փոխարինել շրջակա միջավայրի» բառերով.
2) որոշման N 1 հավելվածի`
ա. 8-րդ կետի 1-ին ենթակետը շարադրել հետևյալ խմբագրությամբ.
«1) նմուշի ձեռքբերման (գնում, նվիրատվություն, կտակ, ժառանգություն, փոխանակություն, ներմուծման օրինականությունը հաստատող փաստաթուղթ և այլն) և ծագման (որս, բնությունից վերցված, անազատ պայմաններում բուծված, բույսերի հավաք կամ արհեստականորեն աճեցված և այլն) օրինականությունը հաստատող փաստաթղթերը (պատճենները).»,
բ. 8-րդ կետը լրացնել հետևյալ բովանդակությամբ նոր՝ 6-րդ ենթակետով՝
«6) անասնաբուժության բնագավառում պետական վերահսկողություն իրականացնող մարմնի կողմից տրված սերտիֆիկատի պատճենը:»,
գ. 9-րդ կետոը, 33.1-ին կետի 2-րդ ենթակետը «ձեռքբեման» բառից հետո լրացնել «և ծագման» բառերով,
դ. 9-րդ կետը լրացնել հետևյալ բովանդակությամբ նոր՝ 8-րդ ենթակետով.
«8) ՍԻԹԵՍ-ի NN 1, 2 և 3 հավելվածներում ընդգրկված նմուշների ներմուծման օրինականությունը հաստատող փաստաթուղթը:»,
ե. 18-րդ կետը լրացնել հետևյալ բովանդակությամբ նոր 6-րդ և 7-րդ ենթակետերով.
«6) ՍԻԹԵՍ-ի NN 1, 2 և 3 հավելվածներում ընդգրկված նմուշների վերարտահանման դեպքում՝ Հայաստանի Հանրապետության օրենսդրությամբ սահմանված կարգով Հայաստանի Հանրապետության շրջակա միջավայրի նախարարության կողմից տրամադրված ՍԻԹԵՍ-ի գրանցամատյանում հաշվառման վերաբերյալ գրության պատճենը.
7) անասնաբուժության բնագավառում պետական վերահսկողություն իրականացնող մարմնի կողմից տրված սերտիֆիկատի պատճենը:»,
զ. 33-րդ կետում «տարածքում» բառը փոխարինել «տարածք ՍԻԹԵՍ-ի NN 1, 2 և 3 հավելվածներում ընդգրկված նմուշներ ներկրող,» բառերով,
է. 33.4-րդ կետը «նմուշի վաճառք» բառերից հետո լրացնել «գնում» բառով, իսկ «ֆիզիկական անձինք» բառերից հետո՝ «եռամսյա ժամկետում» բառերով,
ը. 51-րդ կետը «վերաարտահանման» բառից հետո լրացնել «, ինչպես նաև Հայաստանի Հանրապետության տարածք ՍԻԹԵՍ-ի նմուշների ներմուծման և ծովից ներմուծման» բառերով.
3) որոշման N 2 հավելվածի թույլտվության ձևի 6-րդ կետում՝
ա. «THE NATURE PROTECTION» բառերը փոխարինել «ENVIRONMENT» բառով,
բ. վերջին նախադասությունը շարադրել հետևյալ խմբագրությամբ.
«Հեռ.//Tel: +374 --------, Ֆաքս / Fax: +374 -----------»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Արխիվ

2024

2023