Կառավարության որոշումներ

19 Մարտի 2020, 317 - Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ՀՈՒՆՎԱՐԻ 25-Ի N 51-Ա ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ Մ Ա Ս Ի Ն

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածը` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2018 թվականի հունվարի 25-ի «Գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար «ՄԼ ՄԱՅՆԻՆԳ» սահմանափակ պատասխանատվությամբ ընկերության կողմից ներկայացված հայտը բավարարելու և արտոնությունը կիրառելու մասին» N 51-Ա որոշման հավելվածում կատարել հետևյալ լրացումները և փոփոխությունները՝
1) 14-րդ կետի «Ծագման երկիրը» սյունակը «Չինաստան» բառից հետո լրացնել «Թուրքիա» բառով, իսկ «Արժեքը» սյունակի «16 000 000» թիվը փոխարինել «22 000 000» թվով.
2) 15-րդ կետի «Ծագման երկիրը» սյունակը «Ռուսաստան» բառից հետո լրացնել «Թուրքիա» բառով.
3) 17-րդ կետի «Ծագման երկիրը» սյունակը «Թաիլանդ» բառից հետո լրացնել «Եգիպտոս, Մալայզիա, Թուրքիա» բառերով, իսկ «Արժեքը» սյունակի «520 000 000» թիվը փոխարինել «600 000 000» թվով.
4) 18-րդ կետի «Ծագման երկիրը» սյունակը «Թաիլանդ» բառից հետո լրացնել «Եգիպտոս, Մալայզիա, Թուրքիա» բառերով, «Արժեքը» սյունակի «200 000 000» թիվը փոխարինել «400 000 000» թվով, իսկ «Անվանումը» սյունակի «Անվադողեր և ծածկադողեր` օդաճնշման ռետինե նոր» բառերը փոխարինել «տրանսպորտային միջոցների և մեքենաների համար` շինարարության, հանքարդյունաբերության կամ արդյունաբերության մեջ օգտագործվող» բառերով.
5) 20-րդ կետի «Անվանումը» սյունակի «Շարժիչային տրանսպորտային միջոցներ՝ բեռներ փոխադրելու համար, 20 տ-ից ավելի ավտոմոբիլի լրիվ զանգվածով՝ շահագործված՝ - որոնց թողարկումից անցել է 7 տարվանից ավելի, - որոնց թողարկումից անցել է 5 տարվանից ավելի, բայց 7 տարվանից ոչ ավելի, -այլ» բառերը փոխարինել «Շարժիչային տրանսպորտային միջոցներ՝ բեռներ փոխադրելու համար, 20 տ-ից ավելի ավտոմոբիլի լրիվ զանգվածով՝ շահագործված՝ - որոնց թողարկումից անցել է 5 տարուց ավելի, բայց 7 տարուց ոչ ավել» բառերով, «Քանակը» սյունակի «5» թիվը փոխարինել «15» թվով, իսկ «Արժեքը» սյունակի «235 000 000» թիվը փոխարինել «580 000 000» թվով.
6) հավելվածի «ԸՆԴԱՄԵՆԸ» պարբերության մեջ «2 065 000 000» թիվը փոխարինել «2 696 000 000» թվով։
 

Արխիվ

2020

2019