7 Մայիսի 2020, 709 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2020 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԴԵԿՏԵՄԲԵՐԻ 26-Ի N 1919-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին ու Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 3-րդ կետին համապատասխան՝ Հայաստանի Հանրապետության կառավարությունը ո ր ո շ ու մ է.
1. «Հայաստանի Հանրապետության 2020 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, N 3 աղյուսակում և Հայաստանի Հանրապետության կառավարության 2019 թվականի դեկտեմբերի 26-ի «Հայաստանի Հանրապետության 2020 թվականի պետական բյուջեի կատարումն ապահովող միջոցառումների մասին» N 1919-Ն որոշման NN 3, 4, 5, 9, 9.1 և 10 հավելվածներում կատարել փոփոխություններ և լրացումներ` համաձայն NN 1, 2, 3, 4, 5, 6 և 7 հավելվածների:
2. Հայաստանի Հանրապետության 2020 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության քաղաքաշինության կոմիտեին հատկացնել 492,618.0 հազ. դրամ` համաձայն N 8 հավելվածի, այդ թվում՝
1) հանրակրթական դպրոցների շենքային պայմանների բարելավման համար (կառուցման և նախագծային աշխատանքներ)՝ 293,724.3 հազ. դրամ, որից՝
ա. բյուջետային ծախսերի տնտեսագիտական դասակարգման Նախագծահետազոտական ծախսեր հոդվածով՝ 246,669.5 հազ. դրամ,
բ. բյուջետային ծախսերի տնտեսագիտական դասակարգման Շենքերի և շինությունների շինարարություն հոդվածով՝ 47,054.8 հազ. դրամ.
2) մարզական հաստատությունների շենքային պայմանների բարելավման համար (կառուցման և նախագծային աշխատանքներ)՝ 198,893.7 հազ. դրամ, որից՝
ա. բյուջետային ծախսերի տնտեսագիտական դասակարգման Նախագծահետազոտական ծախսեր հոդվածով՝ 24,573.9 հազ. դրամ,
բ. բյուջետային ծախսերի տնտեսագիտական դասակարգման Շենքերի և շինությունների շինարարություն հոդվածով՝ 174,319.8 հազ. դրամ:
3. Թույլատրել Հայաստանի Հանրապետության քաղաքաշինության կոմիտեին Հայաստանի Հանրապետության Գեղարքունիքի մարզի «Ն. Գետաշեն գյուղի թիվ 1 միջնակարգ դպրոց» պետական ոչ առևտրային կազմակերպության (նոր մասնաշենքերի) կառուցման նախագծանախահաշվային փաստաթղթերի ձեռքբերման համար 2019 թվականի դեկտեմբերի 11-ին ՀՀՔԿ-ԳՀԱՇՁԲ-19/48 ծածկագրով հայտարարված գնանշման հարցման ընթացակարգի շրջանակում ընտրված մասնակից ճանաչված «Արոսա» սահմանափակ պատասխանատվությամբ ընկերության հետ ընթացակարգի հրավերով սահմանված պայմաններով կնքել պետական գնման պայմանագիր՝ 14,000.0 հազ. դրամ գումարով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
