Կառավարության որոշումներ

21 Մայիսի 2020, 792 - Ն

ՏԱՐԱԾՔՆԵՐ ՀԵՏ ՎԵՐՑՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՕԳՈՍՏՈՍԻ 12-Ի N 1370-Ն ԵՎ 2018 ԹՎԱԿԱՆԻ ԱՊՐԻԼԻ 5-Ի N 389-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Քաղաքացիական օրենսգրքի 468-րդ հոդվածը, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 2-րդ մասը, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 6-րդ մասերը` Հայաստանի Հանրապետության կառավարությունը ո ր ո շ ո ւ մ է.
1. Հայաստանի Հանրապետության սեփականություն հանդիսացող Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի տնօրինության` Երևանի Կենտրոն վարչական շրջանի Իսահակյան փողոցի 28 շենքի 3 շինություն հասցեում գտնվող անշարժ գույքի 4-րդ հարկից 14.3 քառ. մետր և 40.7 քառ. մետր մակերեսներով տարածքները հետ վերցնել համապատասխանաբար «Երեխաների հատուկ ստեղծագործական կենտրոն» ու «Կոմիտասի անվան ազգային քառյակ» պետական ոչ առևտրային կազմակերպություններից:
2. Հայաստանի Հանրապետության կառավարության 2010 թվականի օգոստոսի 12-ի «Հայաստանի Հանրապետության կառավարության 2001 թվականի դեկտեմբերի 26-ի N 1322, 2010 թվականի օգոստոսի 5-ի N 1055-Ն և 2001 թվականի մայիսի 7-ի N 390 որոշումներում փոփոխություններ կատարելու և գույք ամրացնելու մասին» N 1370-Ն որոշման 3-րդ կետում «շենքից 1005 քառ. մետր (առաջին հարկից 340 քառ. մետր և 4-րդ հարկից 665 քառ. մետր) ընդհանուր մակերեսով ու 1 163 294 դրամ սկզբնական արժեքով» բառերը փոխարինել «շենքից 1245,3 քառ. մետր (առաջին հարկից 340 քառ. մետր և 905,3 քառ. մետր մակերեսով 4-րդ հարկն ամբողջությամբ) ընդհանուր մակերեսով ու 1 441 434.75 դրամ սկզբնական արժեքով» բառերով:
3. Հայաստանի Հանրապետության կառավարության 2018 թվականի ապրիլի 5-ի «Գրքի և հրատարակչական գործի կենտրոն» պետական ոչ առևտրային կազմակերպությունը լուծարելու, գույքը հետ վերցնելու և ամրացնելու, Հայաստանի Հանրապետության կառավարության մի շարք որոշումներում լրացում և փոփոխություններ կատարելու մասին» N 389-Ն որոշման 3-րդ կետում կատարել հետևյալ փոփոխությունները`
1) «163.0 քառ. մետր ընդհանուր մակերեսով և 44467286 դրամ կադաստրային արժեքով տարածքի» բառերը փոխարինել «շենքի» բառով.
2) 2-րդ ենթակետում «4-րդ հարկից 14.3 քառ. մետր» բառերը փոխարինել «2-րդ հարկից 11.2 քառ. մետր մակերեսով» բառերով.
3) 3-րդ ենթակետում «4-րդ հարկից 40.7 քառ. մետր» բառերը փոխարինել «2-րդ հարկից 46.6 քառ. մետր մակերեսով» բառերով:
4. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝
1) սույն որոշումն ուժի մեջ մտնելուց հետո երկամսյա ժամկետում «Երեխաների հատուկ ստեղծագործական կենտրոն» և «Կոմիտասի անվան ազգային քառյակ» պետական ոչ առևտրային կազմակերպությունների հետ կնքել համապատասխանաբար 2018 թվականի հուլիսի 18-ի և 2018 թվականի հուլիսի 7-ի կնքված անշարժ գույքի անհատույց օգտագործման թիվ 136/0018 ու 134/0018 պայմանագրերում սույն որոշումից բխող փոփոխություոններ կատարելու մասին համաձայնագրեր (այսուհետ՝ համաձայնագրեր)՝ դրանցում նախատեսելով, որ համաձայնագրերի նոտարական վավերացման և համաձայնագրերից ծագող գույքային իրավունքների պետական գրանցման ծախսերը ենթակա են իրականացման պետական ոչ առևտրային կազմակերպությունների միջոցների հաշվին.
2) սույն կետի 1-ին ենթակետում նշված աշխատանքների ավարտից հետո երկամսյա ժամկետում Հեռուստատեսության և ռադիոյի հանձնաժողովի նախագահի հետ համատեղ իրականացնել սույն որոշման 2-րդ կետում նշված տարածքների հանձնման-ընդունման աշխատանքները:
 

Արխիվ

2024

2023