28 Մարտի 2013, 294 - Ն
ԱՐՅՈՒՆԱՏՎՈՒԹՅՈՒՆԻՑ ՀԵՏՈ ԿԵՆՍԱԲԱՆԱԿԱՆ ԵՎ ԷՆԵՐԳԵՏԻԿ ԿԱՐՈՂՈՒԹՅՈՒՆՆԵՐԻ ՎԵՐԱԿԱՆԳՆՄԱՆ ՆՊԱՏԱԿՈՎ ԴՈՆՈՐԻՆ ՍՆՈՒՆԴ ՏՐԱՄԱԴՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Մարդու արյան և դրա բաղադրամասերի դոնորության և փոխներարկումային բժշկական օգնության մասին» Հայաստանի Հանրապետության օրենքի 26-րդ հոդվածի 2-րդ մասը` Հայաստանի Հանրապետության կառավարությունը
ո ր ո շ ու մ է.
1. Սահմանել`
1) արյունատվությունից հետո կենսաբանական և էներգետիկ կարողությունների վերականգնման նպատակով դոնորին սնունդ տրամադրելու կարգը` համաձայն N 1 հավելվածի.
2) կենսաբանական և էներգետիկ կարողությունների վերականգնման նպատակով դոնորին տրվող սննդի միջին չափաբաժինները` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
